Վարկային պատմություն․ ինչպես է ձևավորվում և ինչպես ստուգել այն
Վարկային պատմությունը ոչ թե պատիժ է, այլ գրառում։ Այն կարելի է ստուգել ինքնուրույն, և դա արժե անել դիմումից առաջ, ոչ թե հետո։
Երբ պարտավորությունը չի կատարվում կամ կատարվում է թերի, վարկատուն 1–3 աշխատանքային օր հետո տվյալներն ուղարկում է վարկային բյուրո։ Այնտեղ էլ ձևավորվում է վարկային պատմությունը՝ բոլոր վարկերի, մարումների և ուշացումների գրառումը։
Գրառումը պահվում է անկախ նրանից՝ վարկը մարվե՞լ է, թե ոչ։ Ժամանակին կատարված վճարումների պատմությունը նույնքան կարևոր է, որքան ուշացումների պատմությունը, և հենց այն է աշխատում ձեր օգտին հաջորդ դիմումի ժամանակ։
Ինչպես ստուգել
Ձեր վարկային պատմությունը կարող եք պահանջել ԱՔՌԱ վարկային բյուրոյից՝ acra.am կայքում սահմանված կարգով։ Այնտեղ երևում է, թե ինչ տվյալներ են պահվում ձեր մասին և որ վարկատուն է դրանք ուղարկել։ Եթե տվյալը սխալ է, ուղղումը պահանջվում է հենց այդ վարկատուից։
Ինչն է վնասում պատմությանը
- Ուշացած վճարումը՝ նույնիսկ մի քանի օրով
- Չփակված փոքր պարտքը՝ գումարի չափը նշանակություն չունի, նշանակություն ունի փաստը
- Երաշխավորությունը՝ ուրիշի ուշացումը արտացոլվում է նաև երաշխավորի պատմության մեջ
Վատ վարկային պատմությունը կարող է խոչընդոտել ձեզ՝ ապագայում վարկ ստանալու ժամանակ։ Վարկ տրամադրելու որոշումը կայացվում է վճարունակության գնահատման հիման վրա։